ສະພາປະຊາຊົນແຂວງ ຊຸດທີ I ສໍາເລັດການເລືອກຕັ້ງທົ່ວປະເທດໃນຄັ້ງວັນທີ 20 ມີນາ 2016 ເຊິ່ງປະກອບ​ດ້ວຍ​ສະມາ​ຊິກສະພາປະຊາຊົນແຂວງ ​ທັງ​ໝົດ 33 ທ່ານ ​ໃນ​ນີ້ເພດ​ຍິງມີ 13 ທ່ານ ແລະ ໄດ້ດໍາເນີນກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງໄຊຍະບູລີ ຊຸດທີ I ຢ່າງເປັນທາງການ ໃນວັນທີ 2 – 3 ມິຖຸນາ 2016 ໂດຍເລືອກຕັ້ງເອົາທ່ານ ປອ. ສົມລິດ ເປືອກແກ້ວ ເປັນປະທານສະພາປະຊາຊົນແຂວງ ແລະ ເລືອກຕັ້ງເອົາທ່ານ ຊຊ​. ບຸນທຽມ ນັນທະກອນ ແລະ ທ່ານ ນາງ ອິດມະນີ ຈັນທະຄູນ ເປັນຮອງປະທານສະພາປະຊາຊົນແຂວງ ກອງປະຊຸມຄັ້ງນີ້ ໄດ້ຮັບຮອງເອົາຄະນະປະຈໍາສະພາປະຊາຊົນແຂວງ ທັງໝົດ 7 ທ່ານ, ຍິງ 2 ທ່ານ; ຮັບຮອງເອົາໂຄງປະກອບກົງຈັກພາຍໃນສະພາປະຊາຊົນແຂວງ ເຊິ່ງປະກອບມີ 3 ຄະນະກໍາມະການ ແລະ 1 ຄະນະເລຂາທິການ ຄື: ຄະນະກໍາມະການເສດຖະກິດ-ແຜນການ ແລະ ການເງິນ; ຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ; ຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ; ຄະນະເລຂາທິການສະພາປະຊາຊົນແຂວງ.

ສະພາປະຊາຊົນແຂວງ ຊຸດທີ II ສໍາເລັດການເລືອກຕັ້ງທົ່ວປະເທດໃນຄັ້ງວັນທີ 21 ກຸມພາ 2021 ເຊິ່ງປະກອບ​ດ້ວຍ​ສະມາ​ຊິກສະພາປະຊາຊົນແຂວງ ​ທັງ​ໝົດ 37 ທ່ານ ​ໃນ​ນີ້ເພດ​ຍິງມີ 12 ທ່ານ ແລະ ໄດ້ດໍາເນີນກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງໄຊຍະບູລີ ຊຸດທີ II ຢ່າງເປັນທາງການ ໃນວັນທີ 26 ເມສາ 2021 ໂດຍເລືອກຕັ້ງເອົາທ່ານ ເພັງນິລັນ ຄໍາພັນເພັງ ເປັນປະທານສະພາປະຊາຊົນແຂວງ ແລະ ເລືອກຕັ້ງເອົາທ່ານ ບຸນລ້ວນ ຊົມສີຫາປັນຍາ ແລະ ທ່ານ ນາງ ວິລະພອນ ທອງພິມ ເປັນຮອງປະທານສະພາປະຊາຊົນແຂວງ ກອງປະຊຸມຄັ້ງນີ້ ໄດ້ຮັບຮອງເອົາຄະນະປະຈໍາສະພາປະຊາຊົນແຂວງ ທັງໝົດ 7 ທ່ານ, ຍິງ 2 ທ່ານ; ຮັບຮອງເອົາໂຄງປະກອບກົງຈັກພາຍໃນສະພາປະຊາຊົນແຂວງ ເຊິ່ງປະກອບມີ 3 ຄະນະກໍາມະການ ແລະ 1 ຄະນະເລຂາທິການ ຄື: ຄະນະກໍາມະການເສດຖະກິດ-ແຜນການ ແລະ ການເງິນ; ຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ; ຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບ; ຄະນະເລຂາທິການສະພາປະຊາຊົນແຂວງ.