ສພຂ ຈັດກອງປະຊຸມເຜີຍແຜ່-ເຊື່ອມຊຶມເອກະສານ..................................................
25/08/2025
ໃນວັນທີ 20 ສິງຫາ 2025 ນີ້; ສະພາປະຊາຊົນແຂວງ (ສພຂ) ໄດ້ຈັດກອງປະຊຸມເຜີຍແຜ່ - ເຊື່ອມຊຶມ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ XI ສະບັບເລກທີ 08/ຄບສພ, ລົງວັນທີ 05 ມິຖຸນາ 2025; ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 14 ສະໄໝທີ VII ສະບັບເລກທີ 352/ຄພຂ.ຊຍ, ລົງວັນທີ 26 ມິຖຸນາ 2025 ແລະ ມະຕິກອງປະຊຸມສະພາປະຊາຊົນແຂວງ ວ່າດ້ວຍການ ຮັບຮອງເອົາບົດລາຍງານການເຄື່ອນໄຫວວຽກ ງານໃນໄລຍະກອງປະຊຸມສະໄໝສາມັນ ເທື່ອທີ 8 ຫາ ເທື່ອທີ 9 ແລະ ແຜນ ການຮອດກອງປະຊຸມສະໄໝສາມັນ ເທື່ອທີ 10 ຂອງສະພາປະຊາຊົນແຂວງ ຊຸດທີ II ສະບັບເລກທີ 55/ສພຂ.ຊຍ, ລົງວັນທີ 29 ກໍລະກົດ 2025 ຢູ່ທີ່ຫ້ອງປະຊຸມສະພາປະຊາຊົນແຂວງ ໃຫ້ກຽດເປັນປະທານ ແລະ ເຜີຍແຜ່ - ເຊື່ອມຊຶມເອກະ ສານ ໂດຍທ່ານ ນາງ ວິລະພອນ ທອງພິມ ກໍາມະການພັກແຂວງ ຮອງປະທານສະພາປະຊາຊົນແຂວງ; ມີຄະນະປະຈໍາສະພາປະຊາຊົນແຂວງ, ປະທານ - ຮອງປະທານຄະນະກໍາມະ ການ; ຄະນະເລຂາທິການ ແລະ ພະນັກງານ - ລັດຖະກອນ ພາຍໃນສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.ພາຍຫຼັງທີ່ ທ່ານ ນາງ ວິລະພອນ ທອງພິມ ໄດ້ເຜີຍແຜ່-ເຊື່ອມຊືມສໍາເລັດແລ້ວ; 
ທ່ານ ນາງ ວັນນາ ພົມວິສອນ ເລຂາທິການສະພາປະຊາຊົນແຂວງ ກໍ່ໄດ້ຂື້ນຜ່ານມະຕິຂອງຄະນະປະຈໍາສະພາປະຊາຊົນແຂວງ ສະບັບເລກທີ 59/ຄປຈ.ຊຍ, ລົງວັນທີ 30 ກໍລະກົດ 2025 ວ່າດ້ວຍການເຄື່ອນໄຫວວຽກງານໂທລະ ສັບສາຍດ່ວນ ອີກດ້ວຍ.
ທ່ານ ນາງ ວັນນາ ພົມວິສອນ ເລຂາທິການສະພາປະຊາຊົນແຂວງ ກໍ່ໄດ້ຂື້ນຜ່ານມະຕິຂອງຄະນະປະຈໍາສະພາປະຊາຊົນແຂວງ ສະບັບເລກທີ 59/ຄປຈ.ຊຍ, ລົງວັນທີ 30 ກໍລະກົດ 2025 ວ່າດ້ວຍການເຄື່ອນໄຫວວຽກງານໂທລະ ສັບສາຍດ່ວນ ອີກດ້ວຍ.ໂອກາດດັ່ງກ່າວ, ທ່ານ ນາງ ວິລະພອນ ທອງພິມ ກໍາມະການພັກແຂວງ ຮອງປະທານສະພາປະຊາຊົນແຂວງ ໄດ້ມີຄໍາເຫັນໂດຍເໜັ້ນໜັກໃຫ້ບັນດາທ່ານທີ່ເຂົ້າຮ່ວມກອງປະຊຸມ ຈົ່ງສືບຕໍ່ເພີ່ມທະວີເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານຂອງຕົນ ໃຫ້ມີປະສິດທິພາບ ແລະ ປະສິດທິຜົນສູງຂື້ນກວ່າເກົ່າ.
(ໂພໄຊ ແກ້ວກັນຍາ)